xoves, 18 de decembro de 2014

SORTEO DA CESTA DE NADAL E MOITOS DOCES SOLIDARIOS

nº gañador 27





 Celebramos o sorteo da cesta  ecolóxica de nadal no obradoiro de reciclaxe o xoves, 18 de decembro. A cesta está realizada en papel de xornal e enchémola con alimentos de cultivo ecolóxico: cabaza da horta, noces e abelás do país, mel artesán, marmelada de moras, crema de castañas confitadas e un agasallo sorpresa. A piña ou ananás non é autóctona , nin da casa, pero estamos seguras que ben madura, saberá do mellor. A decoración da cesta está feita cunha sinxelas follas de ginko , edra e unha poliña de sorbeira.
 Parabéns a Naira, de 1º da ESO e grazas a tod@s pola vosa participación!







Onte, mércores, 17 de decembro, enchemos a entrada do insti con doces solidarios. As familias volcáronse participando masivamente con aportación riquísimas e o alumnado de diversificación encargouse de organizalo todo marabillosamente, moi ben capitaneados por Maite. Parabéns a toda a comunidade educativa por esta doce iniciativa solidaria. A recaudación será doada a Aldeas Infantís da bisbarra de Vigo.





martes, 9 de decembro de 2014

Improvisación en sacho menor



Todo espontáneo, todo auténtico e todo verídico. Austine amosounos a súa facilidade para executar música con calquera instrumento. Moito sentido do ritmo e un gran exercicio de adecuación. Encántanos!

xoves, 4 de decembro de 2014

Os labores na horta. Outono 2014

Colleitamos as cabazas





Moitas cabazas empezaron a podrecer, entón empezamos a colgalas

e descubrimos unha maneira ecolóxica de ambientar o nadal

tamén descubrimos unha árbore de vimbios que podía dar planetas

e naceunos unha galaxia cabácica




Como ía calor e moito sol empezaron a agromar as pepas de aguacate e os chícharos


e montamos unha sementeira con sementes que quedaran

Tamén descubrimos que tiñamos unha horta con vistas

Estrenamos material novo: carreta, sachos, ranqueiros, gallas





Nesta zona hai grandes manchos de violetas salvaxes



Estamos rodeados de robinias e silvas, así que temos unha comisión permanente que as mantén a raia
 

plantamos un erbedo

e unha nogueira

allos


instalamos unha composteira de plástico reciclado

clareamos a selva

apañamos toda a madeira morta



comezamos a montaxe dunha espiral de plantas aromáticas

a carón do xardín circular que rodea a maceira



cartaz con debuxos dè plantas aromáticas en latín, galego e castelán



descubrimos un método caseiro eficaz paea facer carteis que resistan a intemperie


empezamos a estudar o arboredo, aquí os vellos choróns da entrada



a carón do pavillón medran estes esveltos xenebreiros


Todo este labor sérvenos de posta en práctica a tempo real de todo o que imos aprendendo na aula de galego con respecto ao léxico da vexetación e da terra: aves, arbustos, árbores, plantas medicinais, flores, froitas, alimentos, bosques, ríos, a beiramar, as rías.




xoves, 23 de outubro de 2014

De Teis a Baroña








O pasado martes, 21 de outubro,  todo o alumnado de 1º da ESO en colaboración cos profes de lingua castelá, sociais e galego saímos ben cediño do insti para poñernos nun plis plas a andar polo fermoso camiño que baixa ata a praia e o castro de Baroña.. Aínda  non puxeramos os pés na praia cando enxergamos un pequeno grupo de estraños seres animados vestidos con roupa deportiva que divisaban o horizonte tentando chamar a nosa atención: eran un grupo de fuxidos do Uruguai que con pés alados chegaran á coroa do castro antes ca ninguén, seguro que sen fixarse que atravesaron un muro defensivo de varios metros de ancho, precedido dunha escaleira prehistórica feita a base de cachotes, inxenio e paciencia. Despois descubrimos o fermoso prado que rodea o cumio pola banda do mar de fóra e o sendeiro entre a herba que dá acceso á cima sen necesidade de facer escalada.
Tiráronse moitas fotos, vídeos e mesmo houbo algunha posta en escena improvisada inspirada na serie de tiras cómicas de Os Barbanzóns. Dous títulos están ao vos dispór na aula de Galego, un préstamo de Rosa Romero, a quen agradecemos unha vez máis a súa colaboración e entusiasmo.
Despois de Baroña, emproamos cara a vila de Muros, pero diso falaremos noutro momento, cando dispoñamos de máis material gráfico. Un saúdo megalítico, rupestre e pedreiro a todo o novo alumnado do Uruguai!




                                   


                                   






xoves, 10 de xullo de 2014

O estado da cuestión: 1ª semana de xullo na horta do ROU






















Cun pouquiño máis de sol e un chisco menos de vento, as tomateiras poñeranse vermellas vivas e haberá que facer a colleita cun cesto dos grandes. As cebolas medraron espectaculares pero agardaremos aínda a que lles seque a folla.O ourego semella un romántico ramallo de flores silvestres e as caléndulas abriron formando un prado impresionante. O xirasol diversificouse en varias flores chegando a medir a planta máis de metro e medio. Todo o que plantamos este ano semella estar completando o seu ciclo con gran beleza e vigor.